Objektivi i Drejtorisë së Investimeve është zbatimi i politikave të Qeverisë Shqiptare në lidhje me mbështetjen e investimeve, hartimin dhe propozimin e masave mbështetëse që synojnë realizimin e suksesshëm të politikave për promovimin e investimeve.

Funksionet kryesore:

• Asistimi dhe mbështetja e investimeve të drejtpërdrejta në Republikën e Shqipërisë, nëpërmjet identifikimit e promovimit të mundësive për investim.
• Ofrimi i shërbimeve të përkujdesjes dhe mbështetjes së investitorëve ekzistues ose potencialë.
• Asistimi dhe mbështetja me procedura të përshpejtuara të investimeve strategjike në Republikën e Shqipërisë.

Drejtor i Drejtorisë
Mileva Meksi Questo indirizzo email è protetto dagli spambots. E' necessario abilitare JavaScript per vederlo.

Objektivi i Drejtorisë NVM dhe Projekteve është të ofrojë shërbime për mbështetjen e Ndërmarrjeve të Vogla dhe të Mesme, (NVM) shqiptare nëpërmjet asistencës teknike, promovimit të bizneseve shqiptare në tregjet ndërkombëtare, si dhe krijimin e lidhjeve dhe mundësive të bashkëpunimit me bizneset e huaja. Drejtoria ndihmon Ndërmarrjet e Vogla dhe të Mesme në shfrytëzimin e financimeve publike, kombëtare dhe ndërkombëtare.

Funksionet kryesore:

• Rritja e aftësisë konkurruese të ndërmarrjeve mikro, të vogla dhe të mesme shqiptare për zhvillimin e tyre.
• Mbështetja e sipërmarrësve shqiptarë dhe partnerëve të huaj që dëshirojnë të hyjnë në partneritet me kompani shqiptare nëpërmjet shërbimeve kryesore, si: dhënia e granteve të shtetit shqiptar apo identifikimi i tregjeve ose partnerëve të rinj për eksport, nevojat për trajnim dhe për certifikim produkti, lehtësimin e pjesëmarrjes në panaire ndërkombëtare, mbështetje nëpërmjet projekteve të ndryshme me donatorë.
• Promovimi i produkteve dhe shërbimeve shqiptare në tregjet ndërkombëtare, për të reklamuar dhe për të lehtësuar eksportin e produkteve “Made in Albania”.

Objektivi i Drejtorisë së Koordinimit është mbajtja dhe koordinimi i ndërveprimit me institucione dhe organizma brenda dhe jashtë vendit, duke bashkërenduar punën me drejtoritë e AIDA-s, si dhe matja e vlerësimi i rezultateve të performancës së institucionit me qëllim orientimin e politikave.

Funksionet kryesore:

• Mbajtja dhe koordinimi i ndërveprimit me institucione dhe organizma brenda dhe jashtë vendit, duke bashkëpunuar me drejtoritë brenda AIDA-s.
• Koordinimi me institucione përgjegjëse për punët e jashtme dhe trupin diplomatik në lidhje me organizimin e vizitave të delegacioneve të biznesit, forumeve dhe aktiviteteve.
• Matja dhe vlerësimi i rezultateve të performancës së institucionit me qëllim orientimin e politikave dhe burimeve.

Drejtor i Drejtorisë Edit Duro  Questo indirizzo email è protetto dagli spambots. E' necessario abilitare JavaScript per vederlo.

Objektivi i Drejtorisë Marketing dhe Kërkim Analizë është zhvillimi dhe përgatitja e marketingut dhe e shërbimeve të nevojshme në mbështetje të drejtorive të tjera të Agjencisë. Drejtoria siguron informacione mbi tregun dhe strategjitë e reja, kryen studime tregu dhe kërkim të dhënash, me qëllim përditësimin e materialeve dhe informacioneve, në funksion të drejtorive dhe investitorëve.

Funksionet kryesore:

• Sigurimi i komunikimit dhe marketingut të institucionit për politikat, prioritetet, aktivitetet, fushatat etj.
• Kërkimi dhe analiza në lidhje me variabla të ndryshme që AIDA i ka në fokus t’i mbulojë, në përmbushje të ligjit të saj organik.
• Promovimi i Shqipërisë në komunitetin e investitorëve dhe prezantimi i mundësive për investim, pranë investitorëve potencialë apo ekzistues.

Drejtor i Drejtorisë Dilfirus Vrioni  Questo indirizzo email è protetto dagli spambots. E' necessario abilitare JavaScript per vederlo.

Objektivi i Drejtorisë së Shërbimeve Mbështetëse është garantimi i mbarëvajtjes administrative, teknike, ligjore dhe financiare për funksionimin normal të institucionit, në bashkëpunim me njësitë e krijuara sipas legjislacionit përkatës. Drejtoria ndihmon në koordinimin e aktiviteteve, në mënyrë që të arrihet sinergjia e duhur ndërmjet drejtorive, me qëllim arritjen e objektivave në mënyrë eficente dhe efektive.

Funksionet kryesore:

• Mbështetja e veprimtarisë së Agjencisë, duke zbatuar legjislacionin në fuqi, me qëllim krijimin e infrastrukturës dhe burimet e domosdoshme që garantojnë zhvillimin e veprimtarisë normale të proceseve të punës.
• Ndjekja e aktivitetit ekonomiko-financiar dhe administrativ të institucionit, sipas akteve ligjore dhe nënligjore në fuqi.

Drejtor i Drejtorisë Erisa Ymerali Questo indirizzo email è protetto dagli spambots. E' necessario abilitare JavaScript per vederlo.

Organika e Agjencisë Shqiptare të Zhvillimit të Investimeve