𝐀𝐈𝐃𝐀 𝐳𝐡𝐯𝐢𝐥𝐥𝐨𝐧 𝐯𝐢𝐳𝐢𝐭𝐚 𝐦𝐨𝐧𝐢𝐭𝐨𝐫𝐮𝐞𝐬𝐞 𝐧𝐞̈ 𝐤𝐮𝐚𝐝𝐞̈𝐫 𝐭𝐞̈ 𝐩𝐫𝐨𝐣𝐞𝐤𝐭𝐢𝐭 “𝐀𝐟𝐭𝐞̈𝐬𝐢 𝐩𝐞̈𝐫 𝐩𝐮𝐧𝐞̈𝐬𝐢𝐦 𝐭𝐞̈ 𝐪𝐞̈𝐧𝐝𝐫𝐮𝐞𝐬𝐡𝐞̈𝐦 𝐝𝐡𝐞 𝐫𝐫𝐢𝐭𝐣𝐞 𝐞𝐤𝐨𝐧𝐨𝐦𝐢𝐤𝐞 𝐠𝐣𝐢𝐭𝐡𝐞̈𝐩𝐞̈𝐫𝐟𝐬𝐡𝐢𝐫𝐞̈𝐬𝐞 𝐭𝐞̈ 𝐫𝐚𝐣𝐨𝐧𝐢𝐭 𝐧𝐝𝐞̈𝐫𝐤𝐮𝐟𝐢𝐭𝐚𝐫 𝐭𝐞̈ 𝐒𝐡𝐪𝐢𝐩𝐞̈𝐫𝐢𝐬𝐞̈ 𝐝𝐡𝐞 𝐌𝐚𝐥𝐢𝐭 𝐭𝐞̈ 𝐙𝐢”

Agjencia Shqiptare e Zhvillimit të Investimeve (AIDA), në kuadër të zbatimit të projektit “Aftësi për punësim të qëndrueshëm dhe rritje ekonomike gjithëpërfshirëse të rajonit ndërkufitar të Shqipërisë dhe Malit të Zi”, zhvilloi vizita monitoruese në ambientet e 6 subjekteve në Bashkinë Shkodër dhe Vaut të Dejës: Meliha Zyberaj; Gabriel Tour Sh.p.k, Stela Toska, Natyra ime, Vjollcë Tahiri, Guri i Zi Albania Sh.p.k.

Subjektet nëpërmjet thirrjes së projektit kanë ofruar trajnime në punë për të rinjtë dhe gratë e papuna, me qëllim formimin dhe rritjen e aftësive të tyre profesionale në sektorët e turizimit dhe ekonomisë kreative, si dhe përshtatjen e tyre me kërkesat e tregut të punës.

Projekti ka mundësuar mbulimin e kostove për 3 muaj për mentorët e kompanive dhe individët që po trajnohen në ambientet e këtyre kompanive.

Nëpërmjet projektit synohet gjithëpërfshirja në tregun e punës dhe nxitja e punësimit të të rinjve dhe grave të papuna në zonat e bashkive të Shkodrës, Vaut të Dejës dhe Malësisë së Madhe.