AIDA dhe EIT nënshkruajnë Memorandum Mirëkuptimi

Agjencia Shqiptare e Zhvillimit të Investimeve (AIDA) dhe Instituti Evropian i Inovacionit dhe Teknologjisë (EIT) kanë nënshkruar një Memorandum Mirëkuptimi (MoU) për të forcuar bashkëpunimin në fushën e inovacionit , sipërmarrjes dhe zhvillimit të qëndrueshëm ekonomik .

Ky partneritet synon të mbështesë start-up-et dhe NVM-të shqiptare, të nxisë transformimin digjital dhe të gjelbër , si dhe të rrisë integrimin e Shqipërisë në ekosistemin evropian të inovacionit përmes iniciativave dhe trajnimeve të përbashkëta .