Energjia, ndërtimi dhe ekonomia e gjelbër në fokus! ECGE 2025 rikthehet në Tiranë
Energjia, ndërtimi dhe ekonomia e gjelbër në fokus!ECGE 2025 rikthehet në Tiranë si platforma kryesore rajonale që nxit inovacionin, bashkëpunimin dhe zhvillimin e qëndrueshëm.
ECGE – Platformë për Bashkëpunim Rajonal
Panairi ECGE shërben si një pikë kyçe lidhëse mes Shqipërisë dhe rajonit. Me pjesëmarrjen e kompanive nga Kosova, Maqedonia e Veriut, Mali i Zi, Greqia dhe Italia, ky aktivitet krijon terren të favorshëm për bashkëpunim ndër-rajonal në sektorë strategjikë.
Përfaqësues nga institucione publike dhe private marrin pjesë në forume të nivelit të lartë, ku trajtohen sfidat dhe identifikohen zgjidhje të përbashkëta për zhvillimin energjetik dhe ndërtimin e qëndrueshëm në rajon.
Edicioni i vitit 2024 ilustron qartë rritjen dhe ndikimin e ECGE me rezultate konkrete:
• 70+ ekspozues nga sektorët e energjisë së rinovueshme, ndërtimit, konsulencës dhe teknologjisë;
• 2,500+ vizitorë, ndër të cilët 55% përfaqësues biznesesh nga rajoni;
• 40+ folës në panele dhe diskutime tematike;
• Pjesëmarrje rajonale nga Shqipëria, Kosova, Bosnja dhe Hercegovina, Maqedonia e Veriut dhe Mali i Zi;
• Interes i shtuar nga kompani ndërkombëtare që e konsiderojnë Shqipërinë si portë hyrëse në tregun ballkanik.
Këto të dhëna dëshmojnë jo vetëm suksesin e deritanishëm të ECGE, por edhe potencialin e tij për të ndikuar pozitivisht në diskursin ekonomik dhe zhvillimet sektoriale në nivel rajonal.
Bashkohuni në edicionin e katërt të ECGE – Energy, Construction & Green Economy, më 29–30 Tetor 2025 në Pallatin e Kongreseve, Tiranë.