Ftesë për Pjesëmarrje në Ekspozitën Ndërkombëtare të Ushqimit – ArmProd EXPO

Agjencia Shqiptare e Zhvillimit të Investimeve (AIDA) informon bizneset shqiptare, shoqatat e industrisë ushqimore dhe aktorët e interesuar për mundësinë e pjesëmarrjes në edicionin e 23-të të Ekspozitës Ndërkombëtare të Specializuar “ArmProd EXPO”, një nga eventet më të rëndësishme rajonale në sektorin e ushqimit dhe pijeve.

ArmProd EXPO është një platformë e njohur për udhëheqësit e industrisë ushqimore, prodhuesit vendas dhe kompanitë e shquara të rajonit, për të prezantuar ofertat e tyre. Ky aktivitet promovon produktet cilësore, nxit suksesin komercial dhe sjell qasje inovative për tregjet në zhvillim.

Pse të merrni pjesë?

• Një mundësi unike për rrjetëzim me prodhues, furnizues dhe shpërndarës ndërkombëtarë

• Prezantim i produkteve shqiptare përballë investitorëve dhe blerësve potencialë

• Takime B2B dhe negociata direkte me rrjete shitjeje dhe partnerë tregtarë

• Njohje me trendet më të fundit të industrisë ushqimore dhe agrobiznesit

Seksionet tematike përfshijnë:

• Pajisje për përpunimin e ushqimit dhe bujqësisë

• Produkte të qumështit, mishit, peshkut, bukës dhe ëmbëlsirave

• Fruta, perime, fara, fidanë dhe produkte të konservuara

• Lëngje, pije joalkoolike dhe pije alkoolike

• Ushqime të shëndetshme, organike dhe dietike

• Paketime, logjistikë dhe shumë më tepër

Kanë mbetur më pak se 4 muaj deri në hapjen e ekspozitës.

Për më shumë informacion mbi pjesëmarrjen dhe rezervimin e stendave, të interesuarit mund të kontaktojnë drejtpërdrejt organizatorët.

Link me detaje dhe për tu regjistruar: https://exposale.net/en/exhibition/armprodekspo…