Ftesë për pjesëmarrje në World of Travel Expo 2026, që zhvillohet në Orlando, Florida, SHBA në datat 10–12 Prill 2026

Agjencia Shqiptare e Zhvillimit të Investimeve (AIDA) informon të gjitha bizneset e interesuara të sektorit të turizmit, tregtisë dhe investimeve për mundësinë e pjesëmarrjes në World of Travel Expo 2026, që do të zhvillohet nga 10–12 Prill 2026, në Orange County Convention Center, Orlando, Florida, në SHBA .

World of Travel Expo është platforma e vetme në Amerikën e Veriut që u mundëson vendeve dhe kompanive pjesëmarrëse të organizojnë workshop-e apo aktivitete të dedikuara për promovimin e turizmit, tregtisë dhe projekteve të gatshme për investime, brenda hapësirës së vetë panairit.

Pse të merrni pjesë?

• Takime të drejtpërdrejta me investitorë dhe operatorë turistikë amerikanë dhe ndërkombëtarë.

• Mundësi për të promovuar destinacionet, produktet turistike, ofertat tregtare dhe projektet e investimeve.

• Ekspozita zhvillohet paralelisht me Central Florida’s Largest Home Show, duke garantuar pjesëmarrje të lartë vizitorësh të interesuar në udhëtime, tregti dhe investime.

Programi përfshin:

• Workshop-e të drejtuara nga vendet pjesëmarrëse

• Prezantime partnerësh

• Sesione rrjetëzimi

• Evente dedikuar promovimit të turizmit, bashkëpunimit tregtar dhe zhvillimit të investimeve

Për më shumë detaje rreth regjistrimit, tarifave dhe organizimit të aktiviteteve gjatë Expo-s, ftohen kompanitë shqiptare të interesuara, të vizitojnë faqen zyrtare të eventit: WORLD OF TRAVEL – World of Travel, Trade & Taste EXPO 2025