Në hapjen e Panairit Ndërkombëtar të Tiranës – Edicioni 31
Në hapjen e Panairit Ndërkombëtar të Tiranës – Edicioni 31, drejtues dhe përfaqësues të institucioneve, sipërmarrjeve dhe partnerëve ndërkombëtarë u bashkuan për të shënuar një kapitull të ri zhvillimi dhe inovacioni për ekonominë shqiptare.
Në këtë ceremoni morën pjesë Ministrja e Ekonomisë dhe Inovacionit, znj. Delina Ibrahimaj, e cila vlerësoi rolin e panairit si një platformë të rëndësishme që bashkon vizione, ide dhe mundësi për bizneset shqiptare, si dhe Drejtoresha Ekzekutive e AIDA-s, znj. Laura Saro, e cila përcolli një mesazh falënderimi dhe frymëzimi.
Znj. Saro shprehu mirënjohje për bashkëpunimin dhe kontributin e të gjithë partnerëve, duke theksuar se kjo gjallëri dhe energji duhet të ushqehet çdo vit me ide të reja, kreativitet dhe bashkëpunim të sinqertë.
Duke iu referuar temës së këtij viti “Windows into the Future – Albania 2030”, znj. Saro nënvizoi se e ardhmja nuk është më një horizont i largët, por një ftesë për ta ndërtuar së bashku – me vizion, ambicie dhe inovacion.
AIDA mbetet e përkushtuar në mbështetjen e bizneseve shqiptare dhe promovimin e mundësive të investimit në Shqipëri.
Bëhu pjesë e dialogut, inovacionit dhe bashkëpunimit duke na vizituar në stendën e AIDA-s në Pallatin e Kongreseve.