Në Vienë u zhvillua Forumi “Albania: A New Frontier”
Në Vienë u zhvillua Forumi “Albania: A New Frontier”, organizuar nga Raiffeisen Bank International në bashkëpunim me Korporatën e Investimeve Shqiptare.
Forumi u hap nga Kryeministri z. Edi Rama, duke diskutuar mbi klimën e investimeve dhe zhvillimet e fundit ekonomike të vendit.Më tej, ekspertë të Raiffeisen Bank International prezantuan një studim mbi indikatorët ekonomikë të Shqipërisë, duke treguar një zhvillim pozitiv dhe perspektiva të forta për investime.
Drejtoresha Ekzekutive e AIDA, znj. Laura Saro, ishte pjesë e panelit “Ease of Doing Business and Investor Climate” e cila theksoi:– Lehtësinë e të bërit biznes dhe pozicionin e Shqipërisë në rajon
– Sfida si mungesa e fuqisë punëtore dhe mundësitë për ta kapërcyer atë
– Rëndësinë e bashkëpunimit rajonal dhe mundësitë për investime
– Përvojën e bankave si Raiffeisen me zhvillimet online si një avantazh për Shqipërinë
Ky forum theksoi rolin e Shqipërisë si destinacion i ri për investime strategjike dhe potencialin e saj për partneritete të qëndrueshme, si pjesë e përbashkët e bashkëpunimit rajonal.