Tiranë, 5 Shkurt 2026 – Agjencia Shqiptare e Zhvillimit të Investimeve (AIDA) do të organizojë Forumin Ekonomik Shqipëri–Slloveni
Tiranë, 5 Shkurt 2026 – Agjencia Shqiptare e Zhvillimit të Investimeve (AIDA) do të organizojë Forumin Ekonomik Shqipëri–Slloveni, një hapësirë dialogu dhe bashkëpunimi mes vendimmarrësve dhe përfaqësuesve të biznesit nga të dy vendet.Forumi, i organizuar në bashkëpunim me SPIRIT Slovenia – Agjencia Sllovene për Zhvillimin e Biznesit dhe Ambasadën e Republikës së Sllovenisë në Tiranë, synon të ofrojë një panoramë të qartë mbi tregun shqiptar, mundësitë konkrete të investimit dhe sektorët me potencial zhvillimi për kompanitë sllovene.
Diskutimet do të fokusohen në prioritetet e zhvillimit ekonomik dhe në forma praktike bashkëpunimi biznes–biznes (B2B), duke krijuar mundësi reale për partneritete të reja dhe zgjerim rajonal.
Rajoni i Ballkanit Perëndimor po zhvillohet me ritme të shpejta. Forumi Ekonomik Shqipëri–Slloveni ofron një pikënisje të rëndësishme për kompanitë që synojnë të kuptojnë më mirë tregun shqiptar dhe të eksplorojnë mundësi të reja bashkëpunimi.
Forumi synon të shndërrojë interesin e ndërsjellë në projekte reale dhe bashkëpunime të qëndrueshme. Në këtë kuadër, AIDA pozicionohet si institucioni kyç që mbështet kompanitë e huaja që synojnë të investojnë ose të zgjerojnë aktivitetin e tyre në Shqipëri.
5 Shkurt 2026
09:30 – 12:00 Tirana Innovation Hub
