Tiranë – Forumi i Biznesit dhe Ekonomisë Shqipëri–Slloveni

Sot u zhvillua në Tiranë Forumi i Biznesit dhe Ekonomisë Shqipëri–Slloveni , një platformë kyçe për forcimin e bashkëpunimit ekonomik dhe krijimin e partneriteteve të reja mes dy vendeve. Në event morën pjesë përfaqësues institucionalë, liderë biznesi dhe investitorë nga Shqipëria dhe Sllovenia.

Moment i rëndësishëm i forumit ishte dhe nenshkrimi i Memorandumit të Mirëkuptimit mes AIDA dhe Spirit Slovenia , me qëllim forcimin e bashkëpunimit në drejtim të shkëmbimit të informacioneve, organizimit të aktiviteteve të përbashkëta dhe rritjes së investimeve në vendet respektive.

Gjatë forumit u mbajtën fjalime dhe prezantime nga:

• Zëvendësministri i Ekonomisë dhe Inovacionit, z.Enkelejd Musabelliu, i cili ftoi bizneset sllovene të investojnë në Shqipëri, duke theksuar stabilitetin makroekonomik .

• Drejtoresha Ekzekutive e AIDA-s, znj. Laura Saro, prezantoi potencialin e investimeve dhe rolin e agjencisë si partner i investitorëve gjatë gjithë procesit, me procedura të digjitalizuara dhe mbështetje institucionale të vazhdueshme.

• Ambasadori i Sllovenisë Jakob Štunf dhe Tine Kračun, CEO i Institute for Strategic Solutions, që theksuan rëndësinë e momentit për marrëdhëniet ekonomike dypalëshe.

• Mag. Nataša Kos, SPIRIT Slovenia, me fokus te ekonomia sllovene, eksportet dhe inovacioni .

Forumi përfshiu gjithashtu dy panele diskutimi:

“Më të Fortë së Bashku” – Mundësi për integrimin europian dhe bashkëpunimit rajonal.

“Kur Tregjet Bashkohen” – Shndërrim i sfidave globale në mundësi zhvillimi, me fokus te financat, sigurimet, logjistika, inovacioni dhe Inteligjenca Artificiale .

Forumi theksoi rëndësinë e bashkëpunimit ekonomik Shqipëri–Slloveni dhe mundësitë për zgjerim dhe investime afatgjata.