AIDA dhe SIPPO organizuan workshopin me fokus – Tregun Ndërkombëtar të Tekstileve

Në datat 14 – 15 maj 2019, në ambientet e Dhomës Britanike të Tregtisë dhe Industrisë, u zhvillua Workshopi mbi tregun ndërkombëtar të tekstileve dhe organizimin e panaireve. Ky event u organizua nga Swiss Import Promotion Programme (SIPPO), në bashkëpunim me Agjencinë Shqiptare të Zhvillimit të Investimeve.

Qëllimi i këtij aktiviteti ishte zgjerimi i njohurive lidhur me pjesemarrjen në panaire dhe menaxhimin e tyre. Në takim u diskutua mbi praktikat me të mira, mënyrat e lehtësimit të kompanive dhe se si të nxitet promovimi i produkteve shqiptare.