𝐅𝐨𝐫𝐜𝐢𝐦𝐢 𝐢 𝐛𝐚𝐬𝐡𝐤𝐞̈𝐩𝐮𝐧𝐢𝐦𝐢𝐭 𝐞𝐤𝐨𝐧𝐨𝐦𝐢𝐤 𝐒𝐡𝐪𝐢𝐩𝐞̈𝐫𝐢–𝐆𝐫𝐞𝐪𝐢 𝐯𝐢𝐣𝐨𝐧 𝐦𝐞 𝐡𝐚𝐩𝐚 𝐤𝐨𝐧𝐤𝐫𝐞𝐭𝐞̈!

Në kuadër të pjesëmarrjes në Forumin Ekonomik Shqipëri-Greqi dhe takimeve B2B të zhvilluara në Athinë, delegacioni i Agjencisë Shqiptare të Zhvillimit të Investimeve – AIDA – Albanian Investment Development Agency, i kryesuar nga Drejtoresha Ekzekutive znj. Laura Plaku, zhvilloi një takim dypalësh me drejtuesit e EnterpriseGreece, të kryesuar nga z. Marinos Giannopoulos.

Delegacioni shqiptar u mirëprit në selinë e institucionit grek në një atmosferë miqësore bashkëpunimi dhe partneriteti institucional, duke rikonfirmuar marrëdhëniet e konsoliduara ndërmjet dy agjencive.

Diskutimet u fokusuan në:

zgjerimin e bashkëpunimit në fusha me interes të përbashkët;

pjesëmarrjen në evente dhe forume ndërkombëtare;

shkëmbimin e eksperiencave dhe praktikave më të mira;

koordinimin e aktiviteteve të përbashkëta në Tiranë dhe Athinë;

identifikimin e mekanizmave konkrete për nxitjen e investimeve dhe promovimin rajonal e ndërkombëtar.

Ambasada e Republikës së Shqipërisë në Greqi mbetet një mbështetëse aktive e këtij dialogu institucional dhe e angazhuar në ndërtimin e një platforme të qëndrueshme bashkëpunimi ndërmjet aktorëve ekonomikë dhe institucionalë të të dy vendeve.

Një tjetër hap drejt forcimit të partneritetit ekonomik dhe krijimit të mundësive të reja për investime dhe zhvillim.