Agjencia Shqiptare e Zhvillimit të Investimeve hap thirrjen për mbështetjen dhe zhvillimin e Ndërmarrjeve Mikro, të Vogla dhe të Mesme (NMVM), për vitin 2024. AIDA administron  fondin “Për zhvillimin e ndërmarrjeve”, sipas përcaktimeve të nenit 11, shkronja a, të ligjit nr. 43/2022 “Për ndërmarrjet mikro të vogla dhe të mesme”, i cili financohet nga buxheti i shtetit. 

Kjo thirrje mbështet zhvillimin e NMVM-ve duke synuar rritjen e konkurrueshmërisë së ndërmarrjeve, zhvillimin e produkteve dhe shërbimeve, inovacionin/rinovimin e teknologjisë, zhvillimin e artizanatit si dhe mbështetjen e grave sipërmarrëse me qëllim nxitjen drejt eksportit dhe forcimin e aftësive të tyre lidhur me shërbimet dhe produktet për një treg të qëndrueshëm. Kjo thirrje synon mbështetjen e NMVM-ve që e ushtrojnë veprimtarinë e tyre brenda territorit të vendit. 

Projekt -propozimet e paraqitura nga NMVM-të duhet t’i përmbahen kritereve dhe kushteve të veçanta të përfitimit për NMVM për vitin 2024. 

Drejtimet e Thirrjes për mbështetjen financiare nga Programi “Mbështje për Zhvillimin e Biznesit” janë:  

SKEMA 1:  MBËSHTETJE FINANCIARE PËR ZHVILLIMIN E AKTIVITETEVE  

• Vlera e financimit deri në 2.500.000 lekë 

• Mbulimi i kostove 100% 

Kostot e mbulueshme: 

• Çertifikimi i standardeve të prodhimit/shërbimit (përfshirë dhe konsulencën përkatëse) 

• Pjesëmarrje në trajnime për rritje kapacitetesh 

• Pjesëmarrje në panaire ndërkombëtare me stenda të gatshme 

• Promovimi i markës përmes digjitalizimit 

• Krijimi dhe ndërtimi i aplikacioneve dhe/ose platformave për e-Commerce 

• Përgatitje të materialeve promovuese (jo më shumë se 20% e vlerës totale të projektit) 

SKEMA 2:  MBËSHTETJE FINANCIARE PËR INVESTIME 

2.1. PROJEKTE PËR INOVACIONIN 

• Vlera e financimit deri në 1,000,000 lekë 

• Mbulimi i kostove 100% 

Kostot e mbulueshme: 

• Zhvillim/përmirësim teknologjik i produktit 

• Blerje aplikacioni për shërbim klienti apo menaxhim të dhënash 

• Blerje aplikacionesh dhe/ose programe apo paketa të ndryshme kompjuterike 

2.2. PROJEKTE PËR KONKURRUESHMËRINË 

• Vlera e financimit deri në 1,500,000 lekë 

• Mbulimi i kostove 100% 

Kostot e mbulueshme: 

• Blerje makinerive dhe/ose pajisjeve të punës që ndikojnë në rritjen e prodhimit dhe përmirësimin e cilësisë së produktit 

2.3. PROJEKTE PËR START-UP 

• Vlera e financimit deri në 800,000 lekë 

• Mbulimi i kostove 100% 

Kostot e mbulueshme: 

• Blerje makinerive dhe/ose pajisjeve të punës 

• Blerje e aplikacioneve dhe/ose programeve të e-commerce 

2.3. PROJEKTE PËR ARTIZANATIN 

• Vlera e financimit deri në 800,000 lekë 

• Mbulimi i kostove 100% 

Kostot e mbulueshme: 

• Blerje makinerive dhe/ose pajisjeve të punës tradicionale dhe/ose teknologjike 

• Blerje e aplikacioneve dhe/ose programeve të e-commerce 

Thirrja për projekt-propozime do të qëndrojë e hapur 30 (tridhjetë) ditë kalendarike nga data e publikimit të saj, data 12 korrik 2024 

Projekt – propozimet e paraqitura nga NMVM-Të duhet të realizohen brenda vitit buxhetor që do të thotë se aktivitetet e propozuara duhet të zhvillohen brenda periudhës Tetor – Dhjetor 2024 

VËMENDJE: Aplikantët do të paraqesin VETEM 1(një) projekt – propozim në një nga  drejtimet e thirrjeve.  

Aplikimi dhe dorëzimi i dokumentave do të kryhet nëpërmjet adresës elektronike: ndermarrje@aida.gov.al