AIDA, me një stendë të përbashkët me 5 kompani shqiptare, do jetë pjesëmarrëse për herë të parë, në panairin MOMAD
Agjencia Shqiptare e Zhvillimit të Investimeve (AIDA), me një stendë të përbashkët me 5 kompani shqiptare, do jetë pjesëmarrëse për herë të parë, në panairin MOMAD, që do të zhvillohet në datat 13-15 shtator 2024, në Madrid, Spanjë.
Ditën e sotme, në kuadër të përgatitjes për pjesëmarrjen në ketë panair, AIDA në bashkëpunim me Swiss Import Promotion Programme Albania (SIPPO) dhe shoqatën ProEksport Albania, realizoi takimin e parë me kompanitë shqiptare të sektorit të veshjeve dhe këpucëve, që do të jenë pjesëmarrëse në panair. SIPPO do të ofrojë asistencën teknike për këto kompani, duke i asistuar për një pjesëmarrje sa më efektive. Gjatë takimit të sotëm, u realizua koordinimi dhe këshillimi i kompanive mbi fazat e organizimit dhe realizimit të pjesëmarrjes në panair.
Ky takim, ishte hapi i parë i punës përgatitore që do ndiqet në vijim, me qëllim përfaqësimin sa më dinjitoz të Shqipërisë në këtë panair të rëndësishëm të industrisë së modës.
![](https://aida.gov.al/wp-content/uploads/2024/05/447022170_18051650977636157_1675993278596188495_n.jpg)
![](https://aida.gov.al/wp-content/uploads/2024/05/447027828_18051650968636157_4763253884552994631_n.jpg)
![](https://aida.gov.al/wp-content/uploads/2024/05/447021494_18051650959636157_5823743359172808510_n.jpg)
![](https://aida.gov.al/wp-content/uploads/2024/05/447021882_18051650950636157_5761758340130312440_n.jpg)
![](https://aida.gov.al/wp-content/uploads/2024/05/447021898_18051650941636157_7638301396049522496_n.jpg)