AIDA, pjesë e forumit të ABSL 2024: Europe at the Crossroads

Gjatë datave 7-8 nëntor, përfaqësues të Agjencisë Shqiptare të Zhvillimit të Investimeve (AIDA) morën pjesë në forumin ABSL 2024: Europa në udhëkryq, me ftesë të ABSL Albania.

Ky event i rëndësishëm, i cili u organizua në Porto, Portugali, ofroi një platformë për të eksploruar rrugë të reja për industrinë e shërbimeve të biznesit në Evropë dhe për të forcuar lidhjet ndërkombëtare.

Gjatë forumit ekipi ynë zhvilloi takime të frytshme me AICEP Portugal Global dhe Invest Porto. Diskutimet tona u përqëndruan në forcimin e partneriteteve, ndarjen e praktikave më të mira dhe eksplorimin e mundësive për bashkëpunim midis Shqipërisë dhe Portugalisë.

Gjithashtu, AIDA organizoi takim me ABSL Albania, gjatë të cilit u dakordësua nënshkrimi i një MoU.

AIDA mbetet e përkushtuar në nxitjen e partneriteteve ndërkombëtare dhe pozicionimin e Shqipërisë si një destinacion strategjik dhe dinamik investimi në Evropën Juglindore.