Forumi i Biznesit Shqipëri-Francë

AIDA, në bashkëpunim me Ambasadën Franceze në Shqipëri, organizoi Forumin e Biznesit Shqipëri-Francë, me pjesëmarrjen e një delegacioni të rëndësishëm nga MEDEF International, kryesuar nga Z. Christophe PETIT.

Kompanitë elitare franceze nga ky delegacion, shprehën interes për bashkëpunime në Shqipëri, ndërsa investimet franceze kanë njohur rritje përgjatë viteve të fundit, duke e renditur Francën në vendin e 7-të të kontribuesve të Investimeve të Huaja Direkte në Shqipëri.

Paneli i diskutimit mblodhi figura kyçe të ekonomisë shqiptare:

Znj. Delina Ibrahimaj, Ministre e shtetit për sipërmarrjen dhe klimën e biznesit

Znj. Blerta Rama, Zëvendësministre e Ekonomisë, Kulturës dhe Inovacionit

Znj. Laura Saro, Drejtore Ekzekutive e AIDA-s

Znj. Florenca Haxhi, CEO e Durana-Tech Park, AIC

Z. Gentjan Kerri, Zëvendës CEO i Fondit Shqiptar të Zhvillimit

Z. Dritan Delija, CEO i TEDA Tirana

Sh.S.Znj. Catherine Suard, Ambasadore e Francës në Shqipëri, prezantoi delegacionin francez dhe shprehu gadishmërinë e palëve për bashkëpunim sa më frytdhënës.

Gjatë forumit u prezantuan potencialet e bashkëpunimit ekonomik mes dy vendeve dhe roli i Shqipërisë si një destinacion atraktiv për investime, ku delegacioni pati mundësinë e drejtimit të pyetjeve konkrete për panelistët.