FTESË PËR PJESËMARRJE NË PANAIRIN NDËRKOMBËTAR “FOOD & DRINKS” 14–16 NËNTOR 2025 , SELANIK

Agjencia Shqiptare e Zhvillimit të Investimeve (AIDA) informon kompanitë shqiptare të sektorit agroushqimor dhe të pijeve mbi mundësinë e pjesëmarrjes në një nga aktivitetet më të rëndësishme për industrinë ushqimore në rajon: Panairin “Food & Drinks” të organizuar nga Detrop, në Selanik.

Food & Drinks është konceptuar për të theksuar cilësinë mesdhetare, identitetin rajonal dhe prodhimin e orientuar drejt eksportit ndërsa promovon bashkëpunimin ndërkombëtar dhe rritjen e tregut.

Panairi përfshin :

• Takime të organizuara B2B me blerës të përzgjedhur

• Evente paralele mbi inovacionin, trendet dhe traditën në sektor

• Pjesëmarrës nga vende të ndryshme, në një mjedis multikulturor

• Mundësi prezantimi të produkteve shqiptare për tregjet rajonale dhe më gjerë

Paketat për pjesëmarrje:

Organizatorët kanë ofruar për Ambasadën Shqiptare në Athinë një paketë ekspozimi preferenciale për kompanitë shqiptare:

• 500 € + TVSH për një stendë 9 m² (përfshirë pajisjet bazike)

• 97.50 € + TVSH për çdo m² shtesë

• 100 € + TVSH për çdo kompani shtesë në rast bashkë-ekspozimi

Kompanitë e interesuara janë të lutura të shprehin interesin e tyre pranë diplomacia.ekonomike@mfa.gov.al e cila do të mundësojë komunikimin me Ambasadën Shqiptare në Athinë, kjo e fundit do të koordinojë më tej me organizatorët grekë për rezervimin e stendave dhe pjesëmarrjen tuaj në panair.

Mos e humbisni mundësinë për të qenë pjesë e një platforme prestigjioze që ndërthur gastronominë, tregtinë dhe eksportin në zemër të Mesdheut!

Për më shumë informacion rreth panairit vizitoni linkun : www.foodanddrinks-expo.gr