Ftesë për pjesëmarrje në panairin “Food Expo”, në datat 14-16 Mars 2026, Athinë, Greqi

Agjencia Shqiptare e Zhvillimit të Investimeve (AIDA) po planifikon pjesëmarrjen me stendë të Shqipërisë në FOOD EXPO 2026, që do të zhvillohet në Athinë, Greqi, më 14–16 mars 2026.

Ky panair ofron një mundësi unike për: zgjerimin e tregjeve të eksportit, takime të drejtpërdrejta me blerës dhe distributorë ndërkombëtarë, promovimin e produkteve shqiptare në një treg strategjik, rritjen e bashkëpunimeve B2B. Një takim global i Ushqimit dhe Pijeve dhe njohjen me trendet dhe inovacionet në industrinë ushqimore.

FOOD EXPO 2025 bashkoi mbi 1,300 ekspozues, 200 pjesëmarrje ndërkombëtare, rreth 35,000 vizitorë profesionistë, mbi 11,000 takime B2B midis prodhuesve dhe blerësve ndërkombëtarë. Lideri i padiskutueshëm në ekspozitat e Ushqimit dhe Pijeve në Evropën Juglindore.

Produktet që ekspozohen përfshijnë: produkte bujqësore, produkte ushqimore të përpunuara, vaj ulliri, bulmet, produkte bio, produkte me emërtim të mbrojtur të origjinës (PDO), produkte të peshkut, mishit, ëmbëlsira, si dhe pije tradicionale.

Kompanitë e interesuara janë të ftuara të dërgojnë shprehjen e interesit në adresën: info@aida.gov.al, brenda datës 13 nëntor 2025.

Mos humbisni mundësinë për të prezantuar produktet “Made in Albania” në një prej eventeve më të rëndësishme ndërkombëtare të sektorit ushqimor!

Për më shumë informacion rreth panairit, vizitoni faqen zyrtare https://foodexpo.gr/en