AIDA pjesë e Panairit Ndërkombëtar të Tiranës, edicioni i 31-të

AIDA në Panairin Ndërkombëtar të Tiranës 2025

Agjencia Shqiptare e Zhvillimit të Investimeve (AIDA) do të jetë pjesë e Panairit Ndërkombëtar të Tiranës, edicioni i 31-të, me stenda të dedikuara ku vizitorët dhe bizneset do të kenë mundësi të informohen për shërbimet që ofron AIDA, projektet strategjike dhe mbështetjen për ndërmarrjet mikro, të vogla dhe të mesme (SME).

Evente të dedikuara nga AIDA

Në kuadër të këtij aktiviteti, AIDA do të organizojë dy evente të veçanta, që pasqyrojnë rolin e saj si urë lidhëse mes biznesit vendas dhe atij të huaj:

Fireside Chat “Invest in Albania – Opportunities beyond borders” – 6 Nëntor – Ora 12:00

Sesion interaktiv për shërbimet e AIDA-s, lehtësirat për investime strategjike dhe reformat për përmirësimin e klimës së biznesit.

Segment Pyetje & Përgjigje për temat më të rëndësishme për bizneset.

Degustim i Produkteve Shqiptare – “Taste of Albania”

7 Nëntor | 18:00

Një aktivitet promovues për prodhuesit vendas, ku vizitorët do të shijojnë produkte autentike shqiptare dhe të njihen nga afër me cilësinë dhe potencialin eksportues.

AIDA – pranë biznesit shqiptar dhe investitorëve

Krijo lidhje, zbuloni mundësi bashkëpunimi dhe eksploroni zhvillimin ekonomik të Shqipërisë!