Dita e tretë e Panairit Ndërkombëtar të Tiranës 2025

Në ditën e tretë të Panairit Ndërkombëtar të Tiranës 2025, u zhvillua paneli “Strategic Projects of Albania”, që solli në vëmendje potencialin strategjik të Shqipërisë dhe ndikimin që investimet kanë në zhvillimin ekonomik të vendit.

Në panel morën pjesë përfaqësues nga AIC, Durana Tech Park, AIDA, AMCHAM, dhe Raiffeisen Bank, të cilët ndanë eksperiencat dhe projektet që po formësojnë zinxhirin e investimeve – nga incentivat në impakt konkret ekonomik.

Në fjalën e saj, Drejtoresha Ekzekutive e AIDA-s, znj. Laura Saro, prezantoi potencialin shqiptar për zhvillimin strategjik të sektorëve kyç, duke theksuar misionin e AIDA-s për zgjerimin e fushave të investimit dhe nxitjen e rritjes së qëndrueshme përmes bashkëpunimit me partnerë vendas e të huaj.

Përmes dialogut, inovacionit dhe partneritetit, ky diskutim tregoi se strategjia e sotme ndërton ekonominë e nesërme.

AIDA – duke fuqizuar investimet me impakt afatgjatë për Shqipërinë.