Tradita jonë udhëton globalisht!

Sot, në një tryezë të veçantë kushtuar gastronomisë, ushqimi u bë ura që lidh kultura dhe njerëz ku të panishem në këtë tryezë ishin :

Përfaqësuesit e institucioneve qeveritare, partnerë të rëndësishëm për zhvillimin e sektorit

Përfaqësuesit e ambasadave, që sjellin frymën e bashkëpunimit ndërkombëtar

Hotelet kryesore të vendit, që janë ambasadorët tanë të mikpritjes dhe shkollat profesionale, që përgatisin talentet që do të udhëheqin gastronominë e së nesërmes.

Pjesëmarrësit ishin të bashkuar për të diskutuar se si shija dhe tradita mund të krijojnë bashkëpunime dhe të promovojnë Shqipërinë në arenën ndërkombëtare.

Ngjarja u nderua nga Z. Guillaume Gomez, President i Groupe Gastronomie, ish Shefi i Kuzhinës së Pallatit Élysée dhe Shef i Presidencës Franceze, i nderuar me titullin e lart “Meilleur Ouvrier de France”, i cili vlerësoi artin e gatimit shqiptar dhe potencialin e tij si instrument delikat i diplomacisë.

Drejtoresha e AlDA-s, znj. Laura Plaku Saro, u shpreh se:

“Ky aktivitet tregon se tradita jonë kulinare nuk është vetëm pjesë e kulturës sonë, por edhe një instrument i fuqishëm i diplomacisë në vijim ”

Diskutimet u fokusuan në :

• Promovimi i ushqimit të shëndetshëm dhe produkteve vendase,

• Gastronomia si mjet i bashkëpunimit dhe diplomacisë kulturore,

• Rritja e turizmit cilësor përmes shijes autentike,

• Edukimi profesional si bosht i zhvillimit të gastronomisë.

…tek promovimi i produkteve vendase, ushqimi i shëndetshëm, turizmi cilësor dhe edukimi profesional elementë që së bashku krijojnë historinë e gastronomisë shqiptare dhe e bëjnë atë një ambasadore të vërtetë të kulturës sonë.

Në fund, mes recetave dhe ideve, u dëshmua se kuzhina nuk është vetëm ushqim – është art, kulturë dhe lidhje ndërkombëtare.