Shprehje Interesi për Partneritet – MACFRUT Rimini 2025

MACFRUT, panairi kryesor ndërkombëtar i zinxhirit të frutave dhe perimeve, do të zhvillohet në Rimini (Emilia–Romagna, Itali) nga data 21 deri më 23 Prill 2025.

Ky aktivitet mbledh bashkë kompani ndërkombëtare, blerës, furnitorë dhe vendimmarrës, duke mbuluar të gjithë zinxhirin e vlerës: para-korrjes, pas-korrjes dhe ushqimin e shëndetshëm. Panairi paraqet një mundësi kyçe për krijimin e partneriteteve dhe takimeve B2B me ekspozues nga rajoni Emilia–Romagna.

Takimet B2B do të zhvillohen në gjuhën angleze në stendat e ekspozuesve.

Pjesëmarrësit kërkohet të mbërrijnë më 20 ose 21 prill dhe të garantojnë minimum 4 takime në ditë.

Shërbimet falas të ofruara:

Akomodim në hotel (2–3 netë)

Biletë hyrjeje në panair dhe akses në Buyers’ Lounge

Shërbime shuttle (aeroport hotel panair)

Business matching përmes platformës digjitale të MACFRUT-it

Kompani të interesuara për pjesëmarrje mund të regjistrojnë Shprehjen e Interesit në:

https://buyer.macfrut.com/mvc/registration?i=OtSnH64s9JY=