EksportON 2026 – Platforma Kombëtare për Fuqizimin e Eksporteve Shqiptare

Sot, 28 janar 2026, u zhvillua ExportON 2026, organizuar nga AIDA, me pjesëmarrjen e mbi 250 përfaqësuesve të bizneseve eksportuese, institucioneve dhe partnerëve ndërkombëtarë

Historia e eksporteve shqiptare nis këtu, në Shqipëri – nga produktet bujqësore dhe minerare drejt tregjeve ndërkombëtare. Sot, eksporti shqiptar po transformohet, duke synuar cilësi, vlerë të shtuar dhe pozicionim strategjik

Kryeministri, z. Edi Rama, ftoi sipërmarrjet shqiptare të ndahen nga mendësia e konkurrencës së çmimit më të ulët dhe të fokusohen te cilësia, standardet e larta dhe certifikimet e BE-së. Ky model krijon më shumë vlerë të shtuar, zinxhir të qëndrueshëm prodhimi dhe fitim përmes cilësisë, jo sasisë. Duke folur për procesin e anëtarësimit në BE, ai theksoi se kjo periudhë sjell mundësi të mëdha, por edhe sfida, ku fitues do të jenë ata që dinë të përshtaten.

Kryeministri vlerësoi rolin e AIDA-s si një mekanizëm mbështetës për eksportet dhe forcimin e produkteve “Made in Albania”.

Drejtoresha e AIDA-s, znj. Laura Plaku, foli për 15 vite mbështetje ndaj bizneseve dhe fazën e re të fokusuar te cilësia dhe tregjet ndërkombëtare.

Ministrja e Ekonomisë, znj. Delina Ibrahimaj, nënvizoi rëndësinë e reformave dhe lehtësimit të procedurave për eksportuesit, ndërsa

Ministri i Bujqësisë, z. Andis Salla, foli për potencialin e sektorit bujqësor dhe nevojën për standarde dhe certifikime.

Eventi shënon fillimin e një faze të re praktike për ekosistemin eksportues shqiptar.