AIDA prezanton prioritetet dhe instrumentet konkrete për tërheqjen e investimeve franceze
Në kuadër të vizitës në Shqipëri të z. Nicolas Forissier, Zëvendësministër pranë Ministrisë për Evropën dhe Punët e Jashtme e Francës, përgjegjës për Tregtinë e Jashtme dhe Atraktivitetin, Ambasada Franceze në Shqipëri, Dhoma e Tregtisë dhe Industrisë Francë-Shqipëri (CCIFA) dhe Agjencia Shqiptare e Zhvillimit të Investimeve (AIDA) organizuan së bashku një tryezë të rrumbullakët me përfaqësues të kompanive franceze në Shqipëri.Gjatë kësaj tryeze, AIDA prezantoi prioritetet dhe instrumentet konkrete për tërheqjen e investimeve franceze, si edhe qasjen e saj të strukturuar të aftercare për investitorët francezë ekzistues, me synimin për të garantuar mbështetje të vazhdueshme dhe zhvillim afatgjatë të aktiviteteve të tyre në tregun shqiptar.
AIDA mbetet e dedikuar për forcimin e bashkëpunimit ekonomik mes Shqipërisë dhe Francës, si dhe për krijimin e një klime sa më të favorshme për investimet franceze në vend.
