Shqipëri–Slloveni: më shumë mundësi për bashkëpunim dhe partneritete të reja

Në kuadër të MOS Fair 2026, sot u zhvillua forumi i biznesit “Slovenia–Albania: An Economic Bridge”.

Drejtoresha Ekzekutive e AIDA-s, znj. Laura Saro, mori pjesë në diskutimet mbi mundësitë e bashkëpunimit ekonomik dhe zhvillimin e partneriteteve mes dy vendeve.

Në vijim, znj. Saro zhvilloi një takim të posaçëm me Leon Korošec, Sekretar Shteti në Ministrinë e Ekonomisë, Punës dhe Sportit të Republikës së Sllovenisë, ku u diskutua mbi sektorët me potencial për investime në Shqipëri, me fokus të veçantë te turizmi malor. Në takim u theksua rëndësia e forcimit të bashkëpunimit mes AIDA-s dhe SPIRIT Slovenia, ndërsa pala sllovene shprehu gatishmërinë për të marrë pjesë në forume dhe aktivitete të rëndësishme që do të zhvillohen në Tiranë

Në fokus të veçantë ishte industria e përpunimit të drurit, me diskutime mbi shkëmbimin e njohurive, inovacionin, produktet me vlerë të shtuar dhe potencialin e tregut shqiptar.

Forumi i organizua nga SPIRIT Slovenia dhe Institut za strateške rešitve (ISR), krijoi një tjetër mundësi për dialog dhe lidhje të reja mes komuniteteve të biznesit të Shqipërisë dhe Sllovenisë.

Celje, Slovenia

16–20 September 2026

Albanian National Pavilion