AIDA në kuadër të zbatimit të projektit “Aftësi për punësim të qendrueshëm dhe rritje ekonomike gjithëpërfshirëse rë rajonit ndërkufitar të Shqipërisë dhe Malit të Zi

Për organizimin e këtij panairi u kujdesën partnerët malazezë të projektit, Dhoma Ekonomike e Malit të Zi (CEM), si dhe Business Start-Up Center Bar (BSC Bar). Qëllimi i këtij aktivitieti ishte të promovonte sektorët prioritarë në zonën ndërkufitare Shqipëri-Mal i Zi, si dhe të krijonte mundësi bashkëpunimi mes tyre. AIDA, si partner zbatues i projektit, mori pjesë me një delegacion prej 5 kompanish të cilat ishin presente fizikisht, si dhe 7 biznesesh të cilat morën pjesë online. Kompanitë që morën pjesë në panair i përkisnin sektorit të artizanatit, turizmit dhe agro-turizmit, të cilat e ushtrojnë aktivitetin e tyre në Bashkitë Shkodër, Vau i Dejës dhe Malësi e Madhe.

Gjatë panairit, kompanitë pjesëmarrëse prezantuan dhe promovuan produktet e tyre, si dhe organizuan takime B2B me kompanitë prezente nga Mali i Zi. Gjithashtu, kompanitë pjesëmarrëse u bënë dhe pjesë e konferencës vjetore të organizuar nga Dhoma Ekonomike e Malit të Zi, ku u diskutua mbi digjitalizimin dhe zhvillimin e e-commerce në rajonin e Ballkanit Perëndimor.