Tryezë e rrumbullakët me prodhuesit e produkteve “Made in Albania” të sektorëve të Vajit të Ullirit, Mjaltit dhe Përpunimit të Qumështit
Sot, në ambientet e Agjencisë Shqiptare të Zhvillimit të Investimeve (AIDA), u zhvillua tryeza e rrumbullakët me prodhuesit e produkteve “Made in Albania” të sektorëve të Vajit të Ullirit, Mjaltit dhe Përpunimit të Qumështit.
Aktiviteti u përshëndet nga Drejtori Ekzekutiv i AIDA-s, znj. Laura Saro, e cila prezantoi shërbimet e agjencisë në ndihmë të NMVM-ve. I pranishëm ishte gjithashtu, Zv.Ministri i Ministrisë së Bujqësisë dhe Zhvillimit Rural, z. Enio Civici, i cili prezantoi politikat mbështetëse në ndihmë të këtyre sektorëve, si dhe përfaqësues të kompanive prodhuese të produkteve “Made in Albana”.
Diskutimet e zhvilluara në këtë tryezë kishin në fokus identifikimin dhe adresimin e nevojave të sektorëve që lidhen me promovimin e produkteve “Made in Albania” në tregun e brendshëm, por edhe në tregjet e huaja, përmes bashkëpunimit me ambasadat shqiptare jashtë vendit dhe pjesëmarrjes në panaire të dedikuara. Diskutimi u fokusua gjithashtu, në mbështetjen me fonde financiare që bëjnë të mundur përmirësimin e cilësisë së produkteve nëpërmjet certifikimit të tyre, ambalazhimit, etiketimit, si edhe mbështetjen për blerjen e makinerive dhe pajisjeve që përmirësojnë proceset e prodhimit dhe cilësisë së tyre.
Rekomandimet e nxjerra nga kjo tryezë do të adresohen, për mbështetjen e sektorëve të mjaltit, vajit të ullirit dhe përpunimit të qumështit, me potencial të madh për zhvillimin ekonomik të vendit.
![](https://aida.gov.al/wp-content/uploads/2024/04/440958834_18048729022636157_8755147777630570790_n.jpg)
![](https://aida.gov.al/wp-content/uploads/2024/04/440971355_18048729031636157_5852969089317752679_n.jpg)
![](https://aida.gov.al/wp-content/uploads/2024/04/440956606_18048729040636157_7652516181685998397_n.jpg)
![](https://aida.gov.al/wp-content/uploads/2024/04/440800367_18048729058636157_2096027430600814344_n.jpg)
![](https://aida.gov.al/wp-content/uploads/2024/04/440964908_18048729049636157_9021288924877954916_n.jpg)
![](https://aida.gov.al/wp-content/uploads/2024/04/440809014_18048729013636157_141850963973084277_n.jpg)