Drejtori Ekzekutiv i AIDA, znj. Laura Saro, së bashku me stafin e Drejtorisë së IHD-ve, Partneritetit dhe Kërkimit, mirëpriti sot përfaqësuesit e kompanisë Uklon.

Uklon është një kompani ukrainase që operon në sektorin e teknologjisë së informacionit, e specializuar në shërbimet e transportit me kërkesë (ride-hailing). Që prej vitit 2023, Uklon operon edhe në Tashkent, Uzbekistan.

Gjatë diskutimeve, përfaqësuesit e Uklon prezantuan modelin e tyre të biznesit dhe planet për zgjerim në Shqipëri. Përfaqësuesit e AIDA-s informuan kompaninë mbi klimën e investimeve në Shqipëri dhe mundësitë për rritje.

AIDA do të vijojë komunikimin me Uklon dhe të mbështesë investitorët e huaj në eksplorimin e mundësive që ofron Shqipëria, duke përforcuar angazhimin e saj për tërheqjen e investimeve të huaja dhe zhvillimin e ekosistemit të biznesit në vend.