Eventi “Zgjidh të Vendit” vijoi me një mini panair.

Prodhuesit vendas promovuan produktet e tyre, duke ofruar degustimin, si dhe patën mundësinë të prezantonin ofertën e tyre për hotelierët më të rëndësishëm që operojnë në vendin tonë, të pranishëm në event.

Prezantimi i produkteve si vera, birra, bulmeti, reçeli , glikoja, mjalti dhe vaji i ullirit, nga prodhues të ndryshëm, u vizitua edhe nga z. Blendi Gonxhja, Ministër i Ekonomisë, Kulturës dhe Inovacionit, znj. Mirela Kumbaro, Ministër i Turizmit dhe Mjedisit dhe z. Enio Civici, zv/ministër i Ministrisë së Bujqësisë dhe Zhvillimit Rural.

Ky event ishte vetëm hapi i parë i ndërmarrë, drejt një rrugëtimi që do ndiqet në vijim, për të fuqizuar produktet “Made in Albania”.

Së bashku mund të krijojmë një ekosistem reciprokisht të dobishëm, duke zgjedhur produktet vendase.