Ftesë për Pjesëmarrje në Panairin e Bizneseve Shqiptare – 26 Prill 2025, Austri

Agjencia Shqiptare e Zhvillimit të Investimeve (AIDA) ju informon se, për të pestën herë, në Austri do të organizohet panairi i bizneseve të themeluara nga komuniteti shqiptar, “Vjena 2025”. Ky panair përfaqëson një mundësi të shkëlqyer për të promovuar dhe prezantuar bizneset shqiptare në një nga tregjet më dinamike të Evropës.

Në këtë ngjarje do të marrin pjesë kompani të vogla, të mesme dhe të mëdha, të cilat do të prezantojnë produktet dhe shërbimet e tyre.

Pjesëmarrja juaj do të ishte një mundësi shumë e mirë për të kontribuar në promovimin e bizneseve shqiptare dhe për të eksploruar mundësi të reja zhvillimi në një treg të hapur dhe me potencial të gjerë.

Për më shumë informacion rreth këtij panairi, ju ftojmë të vizitoni linkun: http://www.rrjeti.at/panairi/