Ftesë për pjesëmarrje në panairin “RIGA FOOD”, 04-06 Shtator 2025

Agjencia Shqiptare e Zhvillimit të Investimeve (AIDA), po organizon për herë të parë pjesëmarrjen me stendë të Shqipërisë në panairin “RIGA Food”, që do të zhvillohet në datat 04-06 Shtator 2025, në Riga, Letoni.

RIGA FOOD, është një panair dedikuar sektorit “Pije&Ushqim”, ku profesionistët e industrisë ushqimore nga vendet e BE-së dhe të tjera, takohen çdo vit për të promovuar bizneset e tyre dhe për të mësuar rreth zhvillimeve më të fundit të industrisë ushqimore.

Pjesëmarrja e kompanive në këtë panair synon të nxisë eksportet e produkteve shqiptare, të rrisë shkëmbimet tregtare midis dy vendeve por dhe më gjerë.

Në edicionin e vitit të kaluar morrën pjesë 425 kompani që përfaqësojnë rreth 32 vende dhe mbi 20,000 vizitorë ku 50 % e tyre ishin profesionistë ndërkombëtarë të industrisë ushqimore.

Panairi ka në fokus produktet e mishit, qumështit, peshkut, bukës, ushqimet e ngrira, ushqimet e freskëta, fruta-perime, ushqime të përpunuara, pijet alkolike dhe joalkolike, produktet vegjetariane, vegane, organike, hallall, etj.   

Tarifa e regjistrimit për çdo kompani pjesëmarrëse në stendë do të jetë 99.00 euro pa TVSH.

Për më shumë informacion rreth këtij panairi, lutem konsultoni linkun: https://www.bt1.lv/rigafood/eng/visit.php;

Kompanitë e interesuara për të qenë pjesëmarrës në këtë event, lutemi të shprehin interesin e tyre  me email në adresën: info@aida.gov.al, brenda datës 04.04.2025.