AIDA mirëpriti në një takim përfaqësues të agjencisë homologe në Azerbajxhan (AZPROMO), të shoqëruar dhe nga Ambasadori i Azerbajxhanit në Shqipëri, SH.T.Z Anar Huseynov.
Agjencia Shqiptare e Zhvillimit të Investimeve (AIDA) mirëpriti në një takim përfaqësues të agjencisë homologe në Azerbajxhan (AZPROMO), të shoqëruar dhe nga Ambasadori i Azerbajxhanit në Shqipëri, SH.T.Z Anar Huseynov.
Qëllimi i takimit ishte shkëmbimi i praktikave dhe njohurive, si edhe krijimi i kushteve të favorshme për rritjen e qëndrueshme të bashkëpunimit ekonomik midis dy vendeve. Znj. Laura Saro, Drejtor Ekzekutiv i AIDA prezantoi rolin e agjencisë, mundësitë e investimeve në Shqipëri, iniciativat aktuale të promovimit të investimeve, arritjet dhe projektet në vazhdim. Përfaqësues të AZPROMO mbajtën prezantimin lidhur agjencinë e tyre dhe praktikat e ndjekura nga ta në promovimin e investimeve dhe eksporteve.
Takimi vijoi me prezantimin e mundësive për investim në Azerbajxhan nga AZPROMO për disa kompani shqiptare të cilat ishin pjesëmarrëse në takim. Prezantimi u fokusua tek sektorët si Bujqësia, Turizmi, Pasuritë e Paluajtshme dhe Energjia e Rinovueshme.
Në përfundim të takimit, Ambasadori i Azerbajxhanit në Shqipëri, SH.T.Z Anar Huseynov, shprehu mundësinë e realizimit të takimeve B2B në Azerbajxhan dhe znj. Saro shprehu gatishmërinë maksimale të AIDA për të bashkëorganizuar këtë event.
![](https://aida.gov.al/wp-content/uploads/2024/05/436187739_18050068366636157_1092668216024750937_n.jpg)
![](https://aida.gov.al/wp-content/uploads/2024/05/443717283_18050068375636157_8672832605221300300_n.jpg)
![](https://aida.gov.al/wp-content/uploads/2024/05/436310914_18050068357636157_4429423223453641678_n.jpg)
![](https://aida.gov.al/wp-content/uploads/2024/05/436196315_18050068348636157_8649919750701824498_n.jpg)
![](https://aida.gov.al/wp-content/uploads/2024/05/436357657_18050068339636157_5031663619340997641_n.jpg)
![](https://aida.gov.al/wp-content/uploads/2024/05/428363131_18050068330636157_5076637568105833265_n.jpg)
![](https://aida.gov.al/wp-content/uploads/2024/05/436351437_18050068321636157_2809359215778648025_n.jpg)