Ftesë për pjesëmarrje në panairin “ Tutto Food Milano ”, 5-8 Maj 2025

Agjencia Shqiptare e Zhvillimit të Investimeve (AIDA), në bashkëpunim me ITC Albania (Internacional Trade Centre) dhe SIPPO Albania (Swiss Import Promotion Programme) po planifikojnë pjesëmarrjen me stendë të Shqipërisë në këtë panair, i cili do të zhvillohet në Milano, Itali në datat 05-08 Maj 2025.

TUTTOFOOD është ekspozita B2B për të gjithë ekosistemin agroushqimor. Global dhe inovativ, është pika referimi në botë për prodhuesit dhe shpërndarësit e produkteve cilësore nga i gjithë zinxhiri i furnizimit me ushqime dhe pije, të cilët takohen gjatë ekspozitës me blerës si: distributorë, importues, gdo, dyqane të afërta, dyqane gustator ushqimesh e shërbimesh, profesionistë jashtë shtëpisë dhe kuzhinierë.

Stenda shqiptare do të përfaqësohet nga një numër i limituar kompanish, të cilat duhet të plotësojnë kriteret e mëposhtme:

Të jenë NVM me shumicë kapital vendas (jo me pak se 51%), që prodhojnë vaj ulliri dhe të zotërojnë Certifikatë Produktesh Organike sipas standartit të BE-së

Të kenë potencial eksporti ose të realizojnë aktualisht eksporte

Të mbulojnë kostot dhe shpenzimet e udhëtimit për 2-3 përfaqësues të kompanisë

Të mbulojnë tarifën e marketingut për promovimin e kompanisë në mediat e panairit

Përfaqësuesit e kompanisë duhet të kenë njohuri të mira të gjuhës angleze dhe italiane.

AIDA, fton të gjitha kompanitë që kanë interes për të marrë pjesë në panair dhe që plotësojnë kriteret e mësipërme, të shprehin interesin e tyre, në adresën e emailit: info@aida.gov.al brenda datës 14 shkurt 2025.

Për më shumë informacion rreth panairit, vizitoni linkun: https://www.tuttofood.it/en/