AIDA, do të marrë pjesë në panairin ndërkombëtar “ITB BERLIN”

Agjencia Shqiptare e Zhvillimit të Investimeve (AIDA), do të marrë pjesë në panairin ndërkombëtar “ITB BERLIN”, në datat 4-6 Mars në Berlin, Gjermani si bashkë-ekspozuese krahas Ministrisë së Turizmit dhe Mjedisit.

ITB Berlin është panairi më i madh i turizmit në botë, i cili tërheq shumë ekspozues dhe pjesëmarrës dhe mbetet një platformë kyç për rrjetëzimin, inovacionin dhe turizmin global. Gjithashtu luan një rol vital në formësimin e trendeve, politikave dhe partneriteteve në sektorin e turizmit.

Kompanitë e përfaqësuara në panair përfshijnë hotele, struktura akomoduese, operatorë turistikë, linja ajrore etj.

Shqipëria në këtë panair do të ketë vendin e nderit dhe AIDA do të marrë pjesë në rolin e institucionit përgjegjës për tërheqjen e IHD-ve në sektorin e turizmit si një ndër sektorët prioritarë dhe strategjikë në zhvillimin e vendit, duke prezantuar potencialet investuese të vendit tonë dhe paketat më të fundit incentivuese sektoriale.