EKSPORTET SHQIPTARE NË RRITJE – PRILL 2026

Sipas të dhënave të publikuara nga INSTAT, eksportet e mallrave në muajin Prill 2026 arritën vlerën 34,9 miliardë lekë, duke shënuar një rritje prej 16,9% krahasuar me të njëjtën periudhë të vitit të kaluar dhe 6,8% më shumë krahasuar me Marsin 2026.

Rritja e eksporteve është ndikuar kryesisht nga sektorët:

– Minerale, lëndë djegëse dhe energji elektrike

– Materiale ndërtimi dhe metale

– Ushqime, pije dhe duhan

– Makineri, pajisje dhe pjesë këmbimi, etj.

Partnerët me rritjen më të lartë të eksporteve shqiptare rezultojnë:

-Kosova me 26,0%

-Gjermania me 28,9%

Vendet e Bashkimit Evropian vijojnë të mbeten partnerët kryesorë tregtarë të Shqipërisë, duke zënë 53,8% të tregtisë totale, ndërsa eksportet drejt BE-së përbëjnë 62% të eksporteve gjithsej.

Në mbështetje të ndërmarrjeve shqiptare që synojnë zgjerimin në tregjet ndërkombëtare, AIDA ka vënë në dispozicion edhe Platformën e Eksporteve, https://exportalbania.al/, ku bizneset shqiptare me krijimin e një profili në platformë mund të promovojnë produktet dhe shërbimet “Made in Albania” në tregjet globale. Platforma u ofron subjekteve mundësinë për të rritur vizibilitetin ndërkombëtar, për të identifikuar partnerë potencialë, distributorë apo blerës të huaj, si dhe akses në mjete dhe informacione mbi tregjet e eksportit.

AIDA mbetet e angazhuar në mbështetjen e ndërmarrjeve shqiptare për rritjen e eksporteve, zgjerimin në tregjet ndërkombëtare dhe promovimin e produkteve shqiptare.