Për të qenë sa më afër investitorëve, AIDA në kuadër të fushatës Aftercare, sot zhvilloi një vizitë pranë kompanisë AlbaCo Shoes
Për të qenë sa më afër investitorëve, AIDA në kuadër të fushatës Aftercare, sot zhvilloi një vizitë pranë kompanisë AlbaCo Shoes, një nga investitorët italianë me prezencën më të gjatë në Shqipëri, me mbi 33 vite aktivitet në vend.Gjatë takimit, administratori i kompanisë ndau problematikat, sfidat dhe paqartësitë e hasura ndër vite, si dhe çështjet që vijojnë të ndikojnë në aktivitetin e përditshëm të biznesit.
Përfaqësuesit e AIDA-s dëgjuan me vëmendje shqetësimet e ngritura dhe vizituan ambientet e fabrikës për t’u njohur nga afër me procesin e prodhimit dhe aktivitetin e kompanisë.
AIDA rikonfirmoi angazhimin e saj për të ndjekur dhe adresuar çështjet e evidentuara, si dhe për të përcjellë problematikat pranë institucioneve përkatëse, me qëllim mbështetjen e investitorëve ekzistues dhe përmirësimin e klimës së biznesit në Shqipëri.
