Thirrje për Shprehje Interesi nga Kompanitë Shqiptare

Mbi mundësinë e organizimit të Forumit Ekonomik Shqipëri – Qipro

Agjencia Shqiptare e Zhvillimit të Investimeve (AIDA) po vlerëson mundësinë e organizimit të Forumit Ekonomik Shqipëri – Qipro. Për këtë qëllim, AIDA fton kompanitë shqiptare të shprehin interesin e tyre për të marrë pjesë në këtë nismë dhe për të eksploruar mundësitë e bashkëpunimit me tregun qipriot. Ky proces do të shërbejë për të vlerësuar interesin e komunitetit të biznesit dhe për të mbështetur organizimin e forumit.

Kjo thirrje u drejtohet kompanive që synojnë:

Zgjerimin e aktivitetit në tregun e Qipros;

Krijimin e partneriteteve të reja të biznesit;

Zhvillimin e marrëdhënieve tregtare dhe investimeve;

Promovimin e produkteve dhe shërbimeve shqiptare në tregun qipriot.

Ftohen të shprehin interesin e tyre kompani nga sektorë të ndryshëm të ekonomisë, duke dërguar një email në adresën info@aida.gov.al.

Afati për shprehjen e interesit: 6 shtator 2026.

Shprehja e interesit nuk përbën angazhim për pjesëmarrje. Organizimi i Forumit Ekonomik Shqipëri – Qipro do të vlerësohet në bazë të nivelit të interesit të shprehur nga komuniteti i biznesit.