AIDA, sëbashku me partnerin “SIPPO Albania”, do jetë pjesëmarrëse për herë të parë, në panairin “RIGA FOOD”

Në kuadër të përgatitjes për pjesëmarrjen në ketë panair, ditën e djeshme, AIDA në bashkëpunim me Swiss Import Promotion Programme Albania (SIPPO), realizoi takimin e parë me kompanitë shqiptare të sektorit Vajit të Ullirit, Çajrave, Mjaltit, Frutave dhe Ekstraktit të frutave që do të jenë pjesëmarrëse në panair. SIPPO do të ofrojë asistencën tyre financiare dhe teknike për këto kompani, duke i asistuar për një pjesëmarrje sa më efektive në panair. Gjatë takimit, u realizua koordinimi dhe këshillimi i kompanive mbi fazat e organizimit dhe realizimit të pjesëmarrjes në panair.

Ky takim, ishte hapi i parë i punës përgatitore që do ndiqet në vijim, me qëllim përfaqësimin sa më dinjitoz të Shqipërisë në këtë panair të rëndësishëm.