Shqipëria në panairin ProWine Shanghai 2026

AIDA fton kompanitë shqiptare të sektorit të verës të shprehin interesin për pjesëmarrje në Pavijonin Kombëtar Shqiptar në ProWine Shanghai 2026, panairi më i madh profesional i verës dhe pijeve alkoolike në Kinë dhe një nga platformat kryesore të industrisë në tregun aziatik.

Shanghai, Kinë

10–12 Nëntor 2026

Pjesëmarrja në këtë panair synon të rrisë promovimin e verës shqiptare, krijimin e kontakteve të reja tregtare dhe zgjerimin e eksporteve drejt tregjeve aziatike. ProWine Shanghai mbledh importues, distributorë, rrjete tregtare, profesionistë të HoReCa-s, somelierë dhe ekspertë të industrisë nga e gjithë bota.

AIDA do të mbështesë pjesëmarrjen në Pavijonin Kombëtar Shqiptar, hapësirën ekspozuese dhe organizimin e takimeve B2B dhe aktiviteteve të përbashkëta promovuese.

Kompanitë pjesëmarrëse do të mbulojnë:

• Shpenzimet e transportit dhe akomodimit të përfaqësuesve të tyre;

• Transportin ndërkombëtar të mostrave dhe produkteve që do të ekspozohen;

• Çdo shpenzim tjetër individual që nuk lidhet drejtpërdrejt me organizimin e Pavijonit Kombëtar.

Ftohen të aplikojnë kompanitë që:

Kanë eksperiencë eksporti dhe prezencë në tregjet ndërkombëtare;

Disponojnë kapacitete të përshtatshme prodhuese dhe eksportuese;

Ofrojnë produkte me standarde të larta cilësie dhe potencial për tregjet ndërkombëtare.

Kompanitë e interesuara mund shprehin interesin duke dërguar email në: info@aida.gov.al

Afati deri më 6 shtator 2026.

Vendet janë të limituara dhe përzgjedhja e kompanive do të bëhet mbi bazën e kritereve të përcaktuara nga AIDA, me synim një përfaqësim sa më dinjitoz të verës shqiptare në këtë treg me potencial të lartë.

Një tjetër mundësi për ta çuar verën shqiptare më tej – këtë herë drejt tregut aziatik.