Analiza e kompanive me kapital të huaj/ të përbashkët në Shqipëri | deri në Korrik 2026

Sipas të dhënave të Qendrës Kombëtare të Biznesit, deri më korrik 2026, në Shqipëri operojnë 19,370 kompani me kapital të huaj ose të përbashkët, ku 16,093 janë me kapital 100% të huaj dhe 3,277 me kapital të përbashkët.

Italia mbetet partneri kryesor për nga numri i kompanive, ndërsa Tirana përqendron mbi 66% të tyre. Aktiviteti ekonomik dominohet nga sektori i shërbimeve (41.1%).

Shqipëria vazhdon të konsolidohet si një destinacion tërheqës për investimet e huaja.

SHPËRNDARJA E KOMPANIVE SIPAS QARQEVE

Pjesa më e madhe e kompanive aktive operojnë në qarkun e Tiranës, përkatësisht 66.2% ose 12,814 kompani. Qarqe të tjera me prezencë të lartë të kompanive me kapital të huaj/të përbashkët janë ai i Durrësit dhe Vlorës përkatësisht me 13.4% dhe 7.8% ndaj totalit të kompanive aktive.

SHPËRNDARJA E KOMPANIVE SIPAS AKTIVITETIT EKONOMIK

Kompanitë me kapital të huaj/të përbashkët operojnë në fusha të ndryshme të aktivitetit ekonomik. Fusha me prezencën më të lartë është ajo e Shërbimeve me 41.1% ndaj totalit të kompanive. Kjo fushë ndiqet nga ajo e Tregtisë me shumicë dhe pakicë, me 26% ndaj totalit.

Fusha të tjera me prezencë të lartë të kompanive me kapital të huaj/të përbashkët janë ajo e Industrisë përpunuese, Informacionit & Komunikacionit dhe Ndërtimit me përkatësisht 9.6%, 8.8% dhe 7.6% ndaj totalit.

Burimi: QKB, të dhëna të përpunuara nga AIDA