AIDA ishte sot pjesë e Forumit të Biznesit Greqi – Shqipëri, i zhvilluar në Athinë me mbështetjen e Ambasadës së Republikës së Shqipërisë në Athinë
AIDA ishte sot pjesë e Forumit të Biznesit Greqi – Shqipëri, i zhvilluar në Athinë me mbështetjen e Ambasadës së Republikës së Shqipërisë në Athinë. Forumi mblodhi përfaqësues institucionalë dhe aktorë të rëndësishëm ekonomikë nga të dy vendet, duke krijuar një hapësirë diskutimi mbi mundësitë e reja për bashkëpunim, investime dhe zhvillim të lidhjeve ekonomike mes Shqipërisë dhe Greqisë.Një moment i rëndësishëm i vizitës ishte takimi i AIDA-s me homologen e saj Enterprise Greece, i cili rikonfirmoi bashkëpunimin e konsoliduar mes dy institucioneve. Gjatë takimit u diskutua mbi pjesëmarrjen në evente ndërkombëtare, shkëmbimin e eksperiencave dhe organizimin e takimeve të ardhshme në Tiranë, si një hap i mëtejshëm për krijimin e mundësive të reja për bashkëpunim mes dy agjencive.
